दुइ सय जनालाई कोरोनाको आशंकामा अस्पताल भर्ना – पाटन अस्पतालमा १ जनाको मृत्यु

काठमाडौं | कम्तिमा २ सय जनालाई कोरोनाको आशंकामा अस्पताल भर्ना भएका छन्। ति मध्ये कतिपयलाई कोरोनाको पुष्टी समेत भएको इन्जाका अध्यक्ष एवं पत्रकार गुणराज लुइटेलले सामाजिक सञ्जाल फेसबुक मार्फत जानकारी दिएका छन्।

लुइटेलका अनुसार न्यूयोर्कको हस्पिटलहरुमा  कम्तिमा २ सय जना नेपाली कोभिड-१९ बाट पोजेटिभ वा हस्पिटलाइज भएका छन्। यो नेपालमा भएका सबै संक्रमित भन्दा कैयौं गुणा बढी हो’

न्यूयोर्कका समाजसेवी जीवन बम र चर्चित फोटो/भिडियोग्राफर शम्भु मोक्तानले छुट्टाछुट्टै रुपमा आफूहरुलाई कोरोना भाइरस भएको कुरा सार्वजनिक हितको लागि जानकारी गराएको पनि लुइटेलले बताए।

लुइटेलले फेसबुकमा लेखेका छ्न्, ‘शम्भूजीको स्वास्थ्यमा क्रमिक सुधार भैरहेको बुझिएको छ । उहाॅहरुको साहस र समाजप्रतिको उत्तरदायित्वबोधको उच्च प्रशंसा गर्दछु ।’

उनले अन्य नेपाली कसैलाई कोरोना भएको छ भने तुरुन्त सार्वजनिक गर्नुहुन अनुरोध गर्दै विरामी भएकाहरुको शीघ्र स्वास्थ्यलाभको कामना गरेका छ्न् ।

न्यूयोर्क क्षेत्र अमेरिकामा विशेषत: अहिले कोरोना ग्रसित क्षेत्र भएको छ।डाक्टरहरुको भनाइ अनुसार कोभिड-१९ लागेका ९० देखि ९५ प्रतिशत मानिसलाई निको हुने उल्लेख गर्दै उनले डराउने भन्दा पनि आत्मबल बढाएर डाक्टरको सल्लाह अनुसार सतर्कता अपनाउन जरुरी रहेको फेसबुकमा शेयर गरेका छन्।

पछिल्लो तथ्याङ्क अनुसार अमेरिकामा १ लाख ४१ हजार ८११ जना संक्रमित भएका छन् । २ हजार ४ सय ७१ जनाको ज्यान गएको छ ।

यो तथ्यांक वल्डोमिटर्सडटइन्फोको हो भने जोन्स हप्किन्स विश्वविद्यालयले मृतकको संख्या २ हजार ४ सय १४ पुगेको जनाएको छ ।

यता कोरोना आशंकामा पाटन अस्पताल भर्ना गरिएका एकजना बिरामीको सोमबार मृत्यु भएको छ। उनको परिक्षणको रिपोर्ट आइपुगेको छैन।अस्पतालका निर्देशक प्रा. डा. विष्णु शर्माले सो अस्पतालमा कोरोनाको आशंकामा तीनजनालाई आइसोलेसनमा राखिएको मात्र बताए।३६ वर्षका ती बिरामी भारतबाट फागुन १४ गते आएका थिए। उनकाे आइसीयूमा उपचारकै क्रममा मृत्यु भएको अस्पताल स्रोतले बतायो।

धादिङ खनियाबास गाउँपालिका स्थायी घर भएका ती बिरामीको ३ बजे रिपोर्ट आएपछि मात्र मृत्युको कारण पुष्टि हुने अस्पतालले जनाएको छ।उनका पिताका अनुसार ती बिरामीलाई आइतबार ४ बजे अस्पताल ल्याइएको थियो। उनलाई आईसीयूमा भर्ना गरी उपचार गरिएको थियो।१६ वर्षमै भारतीय सेनामा भर्ती भई १८ वर्षदेखि कार्यरत् उनलाई दुई दिनदेखि ज्वरो आएपछि धादिङबाट काठमाडौं पठाइएको थियो।

दोलखामा सँक्रमित मुलुकवाट आएकाहरुको स्वास्थ्य जाँच नहुदा कोरोनाको त्राश बढ्दै

अमेरिकामा कम्तिमा २ सय नेपाली कोरोनाको आशंकामा अस्पताल भर्ना यो समचार हाम्रा कुरा डट काममा आज लेखियको छ