भक्तपुरमा २० वर्षीया युवतीमाथि सामूहिक बलात्कार
अनलाइनखबर पाटी १२ जेष्ठ २०७७, सोमबार
प्रवेश कार्की – जेठ १२ भक्तपुर। भक्तपुरको मध्यपुरथिमीमा एक युवतीमाथि सामूहिक बलात्कार भएको छ ।
मध्यपुरथिमी नगरपालिका ६ पुरानोथिमिमा डेरा गरी बस्ने २२ वर्षका रोहित गिरीसहित पाँच जनाको समूहले २० वर्षीया युवतीलाई बलात्कार गरेका प्रहरीले जनाएको छ।
बलात्कारमा संलग्न भएको आरोपमा प्रहरीले काभ्रेको तेमाल घर भई पुरानो ठिमी बस्ने २९ वर्षीय कवाङ लामालाई पक्राउ गरेको छ। पीडित युवतीले गएकोशुक्रबार महानगरीय प्रहरी वृत्त थिमिमा जाहेरी दिएपछि प्रहरीले लामालाई पक्राउ गरेको हो। बलात्कारमा संलग्न चार युवा फरार छन्। उनीहरुको खोजी भइरहेको प्रहरीले जनाएको छ।
प्रहरीका अनुसार गिरीले ८ जेठको बेलुका युवतीलाई ललाइफकाई आर्थिक प्रलोभनमा पारेर आफ्नै कोठामा लगेर सुरुमा आफूले बलात्कार गरेका थिए। पछि आफ्ना चार जना साथीलाई बोलाई बलात्कार गर्न लगाएका थिए।
पक्राउ परेका लामालाई अदालतबाट १० दिनको म्याद थप गरी प्रहरीले अनुसन्धान अघि बढाएको छ।
Leave a Reply