कालिन्चोक दर्शन गर्न आएकी ३३ बर्षीय महिलाको मृत्यु
अनलाइनखबर पाटी २५ पुष २०७७, शनिबार
पौष २५ दोलखा | दोलखाको कालिन्चोक भगवती मन्दिरमा र्दशन गर्नका लागि आएकी एक जना दर्शनार्थी ३३ बर्षीय महिलाको मृत्यु भएको छ ।
दोलखाको प्रशिद्ध धार्मिक स्थल कालिन्चोकमा दर्शन गर्न आएकी मकवानपुर जिल्ला फापरवारी वस्ने ३३ वर्षिय सम्झना रोक्का मगरको आज विहान मृत्यु भएको जिल्ला प्रहरी कार्यालय दोलखाले जनाएको छ ।
दर्शन गर्न कालिन्चोकको कुरी वजार पुगेको र सामान्य विरामी भई मन्दिर जान नसकी कुरी स्थित संगिता होटलमा आराम गरी वसेको वेला एक्कासी वेहोस भए पश्चात उपचारको लागि चरिकोट ल्याइएको थियो ।
वेहोस भई आज विहान १०:३० वजे चरिकोट ल्याइएको रोक्का मगरको ११ :३० बजे चरिकोट अस्पतालमा मृत्यु भएको थियो । शव चरिकोट अस्पतालमा राखिएको र थप अनुसन्धान भई रहेको प्रहरी निरिक्षक अन्जन कोइरालाले बताउनु भयो ।
Leave a Reply