सिन्धुलीकाे कमलामाई नगर प्रमुखमा कांग्रेसका पाेखरेल र उप प्रमुखमा एमालेकी देबकाेटा विजयी

सिन्धुली ५, जेठ । सिन्धुलीकाे कमलामाई नगरपालिकाकाे मेयरमा नेपाली कांग्रेसका उपेन्द्र पाेखरेल विजयी भएका छन । बिहिबार सम्पन्न मतगणना अनुसार पाेखरेलले १४ हजार १ सय ८७ मत प्राप्त गर्दै मेयर पदमा विजयी भएका हुन । उनले नेकपा एमालेका महेन्द्रदेव श्रेष्ठलाई १ हजार ६ सय ११ मत अन्तरले पछी पारेका छन । श्रेष्ठले १२ हजार ५ सय ७६ मत पाए । नेपाली कांग्रेसका जिल्ला सभापति समेत रहेका पाेखरेल सत्तारूढ तदलका तर्फबाट साझा उमेदवार थिए । यस्तै कमलामाई नगरपालिकाकाे उप मेयरमा पुन मन्जु देबकाेटा निर्वाचित भएकी छिन । नेकपा एमालेकी देबकाेटाले गठबन्धन तर्फका उमेदवार नेकपा माअाेवादी केन्द्रका दिर्घराज श्रेष्ठलाई १ हजार ७ मत अन्तरले पछी पारेकी छिन । देबकाेटाले १२ हजार ६ सय ९४ मत पाईन भने माअाेवादीका श्रेष्ठले ११ हजार ६ सय ८७ मत पाए । देबकाेटा २०७४ सालकाे स्थानिय तहकाे निर्वाचनमा पनि उपमेयरमा विजयी भएकी थिन । १४ वटा वडा रहेकाे कमलामाई नगरमा १,४,५,६ र ९ नम्बर वडामा नेपाली कांग्रेस, वडा नम्बर २ र १० मा नेकपा माअाेवादी केन्द्र र वडा नम्बर ३, ७, ८,११,२२,१३ र १४ मा नेकपा एमालेका वडा अध्यक्षहरू निर्वाचित भएकाे मुख्य निर्वाचन अधिकृत ध्रुव प्रसाद सापकाेटाले जानकारी दिए । याे संगै सिन्धुलीकाे मतगणना सम्पन्न भएकाे छ । जिल्लाकाे दुई नगरपालिका सहित ९ वटा पालिकामा माअाेवादी केन्द्र ४, नेपाली कांग्रेस ३ र नेकपा एमाले २ पालिका प्रमुखमा विजयी भएका छन ।