दोलखामा ट्रकको ठक्करबाट एक बृद्धको मृत्यु
अनलाइनखबर पाटी १८ बैशाख २०८०, सोमबार
बैशाख १८ दोलखा । दोलखाको कालिञ्चोक गाउँपालिकास्थित सित्कामा ट्रकको ठक्करबाट एक बृद्धको मृत्यु भएको छ ।
कालिञ्चोक गाउँपालिका वडा नम्बर ७ सित्काका ६९ वर्षिय गंगा बहादुर पाण्डेको ट्रकको ठक्करबाट मृत्यु भएको हो ।
आज दिउँसो सिन्धुलीबाट रड र सिमेन्ट लिएर सिंगटीतर्फ जाँदै गरेको ६९१३ नम्बरको ट्रकको ठक्करबाट पाण्डे गम्भिर घाईते भएका थिए ।
गम्भिर घाईते भएका पाण्डेलाइ उपचारका लागि चरिकोटस्थित च्छोरोल्पा अस्पतालमा ल्याए लगत्तै चिकित्सकले मृत घोषणा गरेको कालिञ्चोक गाउँपालिका वडा नम्बर ७ का वडाध्यक्ष रामबहादुर पाण्डेले जानकारी दिनुभयो ।
सडकको छेउमा हिँडिरहेका पाण्डेलाई ट्रकले ठक्कर दिएको थियो । घटना लगत्तै ट्रक चालकलाई प्रहरीले नियन्त्रणमा लिएको छ । घटनाको विषयमा थप अनुसन्धान हुदै गरेको प्रहरी निरिक्षक राजेश सिग्देलले अनलाइनखबर पाटीलाइ जानकारी दिनुभयो ।
Leave a Reply