दोलखामा रगतको अभावलाई मध्यनजर गर्दै नेबि संघ दोलखाले गर्यो रक्तदान कार्यक्रम

कार्तिक २९ दोलखा | दोलखाको सदरमुकाम चरिकोटमा नेपाली काँग्रेसको जिल्ला पार्टी कार्यालयमा नेपाल बिद्यार्थी संघ जिल्ला कार्यसमिति दोलखाको आयोजनामा रक्तदान कार्यक्रम सम्पन्न भएको छ ।

जिल्ला कार्यसमिति दोलखाले तिहार, नेपाल संवत् र छठको अवसर पारेर आज रक्तदान कार्यक्रमको आयोजना गरेको हो ।कार्यक्रममा सोह्र जनाले रक्तदान गरेका थिए ।कोरोनाका कारण दोलखामा रगतको अभाव भईरहेको र त्यसैलाई मध्यनजर गर्दै प्रमुख जिल्ला अधिकारी रमेश प्रसाद सिवाकोटी र रेडक्रस दोलखाको आग्रह र नेपाली काँग्रेस दोलखाको सचिव सन्तोष रिमालको सहयोगमा कार्यक्रम आयोजना गरेको नेपाल बिधार्थी संघ दोलखाका अध्यक्ष भीम खड्काले जानकारी दिनुभएको छ ।

रक्तदान कार्यक्रम समापन गर्दै नेपाल बिधार्थी संघ दोलखाका अध्यक्ष भिम खडका ले रक्तदान कार्यक्रम समापन भए लगत्तै आफ्नो सामाजिक संजालमा लेखेका छन् ” चाडपर्वको बेला दोलखामा रगतको अभाव भएको कारण प्रमुख जिल्ला अधिकारी रमेश प्र सिवाकोटी र रेडक्रस दोलखाको आग्रह र नेपाली काँग्रेस दोलखाको सचिव सन्तोष रिमाल को सहयोगमा ने वि संघ दोलखाको अायोजनामा अाज चरिकोटमा रक्तदान कार्यक्रम सम्पन्न गरियो ।यस कार्य मा सहयोग गर्नुहुने नेपाली काँग्रेस दोलखाका नेता , ने वि संघका साथीहरू लगाएत सम्पूर्णमा धन्यवाद सहित दिपावली को हार्दिक शुभकामना ब्यत्त गर्दछु ।”

कार्यक्रममा नेपाल बिधार्थी संघ का नेता तथा कार्यकर्ता ,कांग्रेसका नेता तथा कार्यकर्ता, रेडक्रस सोसाईटी दोलखाका पदाधिकारी र बिबिध विधाका व्यक्तिहरुको सहभागीता थियो।