आगलागीमा परी युगान्डामा एकै परिवारका ७ जनाको मृत्यु
अनलाइनखबर पाटी २८ भाद्र २०७५, बिहीबार
भदौ-२८, काठमाडौं । युगान्डाको एक घरमा आगलागी हुँदा एकै परिवारका ७ जनाको जलेर मृत्यु भएको छ ।
बुकेडा जिल्लाको अमुटोरो गाउँमा रहेको भाँडोमा राखिएको पेट्रोलबाट फैलिएको आगलागीमा एकै परिवारका ७ जनाको ज्यान गएको हो ।
युवान्डाको पूर्व क्योगा क्षेत्रका प्रहरी प्रवक्ता मिचेल ओडोंगोलाई उद्धृत गर्दै सिन्ह्वाले खाना पकाएकी महिलाले घरबाहिर पकाएको खाना भित्र लगेर राख्ने क्रममा पेट्रोलबाट आगलागी भएको जनाएको छ ।
समाचार अनुसार, अवैध पेट्रोलका कारोबारी ती परिवारका सदस्यले घरमा पेट्रोल स्टक राख्ने गरेका थिए । अन्ततः त्यही पेट्रोलले सिंगाे परिवार नै सखाप पारिदिएकाे छ ।
Leave a Reply